Boros Ponogulu

Iti no koposionku ih posunudonku do tompinai om tambalutku id nonggo nopo. Ka di tamaku, "atagak nopo boros, atagak nodi bansa."
Id surat kinosusuonku pinosurat do bansaku nopo nga Kadazan. Iti no sabab do blogku nopo diti nga pinosurat id boros Dusun.

Wednesday, September 9, 2015

Mingansau Mogihum Takanon

 Baino nopo nga tadau kinouliton do kinosusuonku.Komoyon do limo nodi toun diti bologku do noukaban. Alalaid noh do awu nosuangan nga okon koh tingkadanku do monuang. Soira do kikosiwatan oku, manganku posurato iri nunu nopo maan do pongitananku om kasarahanku nogi.

Di kosodop, minongoi yahai hilo id Anjung Ketam, iso tionon pangakanan id Labuan. Kinoyonon diti nopo nga id Kg Tanjung Aru, id disan do rahat.

Minongoi oku miampai di daddy, ina, Eva, Ovi, Atuk mami om songulun tamanonku. Nangatan di inaku iri tamanonku tu naantakan nogi do tadau kinosusuon disio.

Nakan nopo dahai diri nga tongkuyu nansak butter, sada nansak do o'mis om o'nsom om nogi rapawon Baby Kailan. Orohian oku do mangakan di tongkuyu. Ii Ovi nga orohian do mangakan di tongkuyu. Ii eva nopo nga orohian mangakan di Baby Kailan.

Kopongoh dahai do minakan, ongoyo noh di inaku barayai iri nakan dahai. Ginumu nopo do binarayan nga Ringgit Malaysia hatus tolu nohopod om tolu (RM133.00).

Iti noh gatang di nakan dahai;

  1. Tongkuyu (1 kilo satanga) - RM60.00
  2. Takano (5 piring) - RM10.00
  3. Takano pinoruhang (2 piring) - RM2.00
  4. Rapawon Baby Kailan - RM15.00
  5. Lado - RM2.50
  6. Waig (1 jag) - RM3.50
  7. Sada topurak (800 gram) - RM40.00
Ilo noh gatang do takanon id Labuan ontok di 08/09/2015.

Saturday, October 18, 2014

Nosusu di toun kuda

Tumanud do ponguludan toun don Sina, toun 2014nopo nga toun kuda. Toun kuda diti kotimpuun mantad di 31/01/2014 gisom noh do 18/02/2015.

Tadiku do kumoduo nosusu ontok di 18/10/2014, kohompit poinsuang id toun kuda om tumanud dii kotumbayaan don Sina nopo nga tulun di nosusu di ontok toun kuda nopo nga toririmo do minggisom momongoh di tangakaraja do toguangon dau. Kowoyo-woyoon dau nopo nga agaras, kitakal (cerdas), osuau, obingilo om kotoboi.

Tulun di nosusu ontok toun kuda nopo nga kitoilaan do monongkiboros om id tulun ginumuan nopo nga toririmo yolo do imurianan. Kitakal yolo, toririmo do monokodung do tulun suai om poinsodia do sumompuru momongo do tangakaraja pitabangan. Sundung do obolotok yolo do monongkiboros, nga koinsasamod, opointalang (perseptif), kisandad toilaan (berbakat), osuhatan, nga asangal. Orohian yolo do kolihisan om karamaian. Royohon yolo id tatanga do tangatambalut, obingampai do nunu nopo karaja id karajaon om awu monongkiala, sundung poh do awu poinsodi-dio iri tinggisom dau.

Awu yolo kataan do ogumu kapangantob. Nga korohian diolo nopo nga id soibau nopo om okurian do kaganapan. Koubasanan diolo do awu kotoron om obintogod montok di susuai ko karaja monikid tadau diolo. Obimporian yolo om awu mokinongou do tutuduk (nasihat). Kaalaon (kegagalan) kopogowit nogi do kasasanaan (putus asa). Ogaras nogi yolo nga mogod togod. Pointomod do mintalang (flamboyant), oubas yolo do momirubat tu awu yolo koilo do mongulud ahal kokomoi do kousinan om kopomogompian do tusin.

Haro nogi ii nosusu ontok toun kuda do orohian do mampai di tulun do royohon om gumusa yolo di karaja poinsawat-sawat. Obinguhup yolo id kogumuan karaja nga asaru do kopongologos di karaja diolo sondiri.

Ilo no kaka kokomoi do kowo-woyoon di tadiku do kumoduo, ii nosusu di 18/102014 (jaam 1:06 minsusuab), pinungaranan do ii Franelle Lovendra Francis toi O-Ve.


Pinogonuan: http://www.travelchinaguide.com/intro/social_customs/zodiac/horse.htm

Friday, September 5, 2014

Kad Pangalapan Mangaramai Kinouliton Tadau Kinosusuan

Orohian oku mongintong bukakak Tom om Jerry
Alapon oinsanan tambalut sangkalas do mangaramai. Haro kiik om wawa do potikidonku ontok tadau diti. Kotoluadan.

Tuesday, April 29, 2014

Koimaan Dii Tongosonong

koimaan tongosonong
Korikot nopo do jaam 9 dongotuong nga modop noh.

Koimaan tongosonong nopo nga;
  1. Monsu
  2. Mangakan di taakanon do ponuhuan miagal do sada, tua-uwa, rapawon om takano.
  3. Mimpanau toi minguyat do tinan.
  4. Posukupon todop.
Kada;
  1. Panampakai do rasuk di noyomutan.
  2. Pangakan do gulatung
  3. Pongintong TV gisom do minsosomok pitangatuong.

Alasu Om Osogit

alasu toi osogit
Intataan do otuntugan waig talasu

Osogit
  1. Ais
  2. Sokirim
  3. Siningkayanak salji
Alasu
  1. Tapui
  2. Kili pinalasu
  3. Tadau
Ponguhatan
  1. Poingkuro do momisok tapui ii poinsikit id kayu?
  2. Nokuro tu aana ilo sokirim?

Monday, April 28, 2014